في ناس كده وفي ناس كده وكده

فى ناس كده
وناس كده وكدة

فى ناس غلابة
قلوبهم طايبة طيابة
فى الدنيا شقيانين
وفى حياتهم تعبانين
وما بيشتكوا وساكتين
على حلهم الغلبان

وناس زى الديابة
قلوبهم سودة ومليانة كآبة
ناس مفترية
وفرحانة بالأسية
فكرنها شطارة وهى خيابة
والقرصة منهم تشبه قرصة التعبان

فى ناس عنيها مكسورة
نفسها تعيش مستورة
فى الدنيا مش مذكورة
غير بس يدوب فى القايمة تبان

وناس وخداها فتونة
اكمنها معاها كتير
وشوشها متلونة
ولا يصعب عليها فقير
خبيثة ودايما تلاقى الخبيث جبان

فى ناس راضية بقليله
وان قابلها فقير تديله
راضية بحالها
وبتساعد الغلبان

وناس تانية طماعة
ما عندهاش اى قناعة
لو جالها تل فلوس
تلاقى جيبها لسه جعان

أتمنى تكون عجبتكم
تحياتى

ان خليت بليت
اكيد رح انلاقي المنيح والعاطل
بس اكيد العاطل اكثر
الله يسترنا من اخريتها
سلمت اناملك اخي